ललितपुरको बागमती गाउँपालिकास्थित एक सामुदायिक वनमा आगलागी भएको छ।
बुधबार दिउँसो पालिका-४ प्युटारको बुढीदेवी सामुदायिक वनमा आगलागी भएको जिल्ला प्रहरी परिसर ललितपुरका एसपी नरहरि रेग्मीले जानकारी दिए।
आगलागी बस्तीमा पस्ने जोखिम रहेको उनले बताए।
‘अहिले आगलागी नियन्त्रणमा लिने प्रयास भइरहेको छ। प्रहरी पनि पुगेको छ। बस्तीमा नपसोस् भनेर काम भइरहेको छ,’ उनले भने।
स्थानीय तथा जनप्रतिनिधिहरूले मिलेर आगलागीलाई नियन्त्रणमा लिने प्रयास गरिरहेका छन्।
त्यहाँ दमकल पनि पुग्न सक्ने अवस्था नभएकाले आगलागी नियन्त्रणमा लिन कठिन भएको एसपी रेग्मीले बताए।
