बिल नभएका सुनका गहनासहित एक जना काठमाडौंबाट पक्राउ परेका छन्।
काठमाडौं महानगरपालिका-१५ स्वयम्भू आनन्दकुटीबाट प्रहरीले एक जनालाई पक्राउ गरेको जिल्ला प्रहरी परिसर काठमाडौंका एसपी अपिलराज बोहराले जनाकारी दिए।
पक्राउ पर्नेमा नुवाकोट विदुर नगरपालिका-५ घर भई कलंकी बस्ने ४१ वर्षीय दिपेशलाल चित्रकार छन्।
सुनका गहना बिक्री गर्न हिँडिरहेको भन्ने सूचनाको आधारमा प्रहरीको टोली खटिएको थियो। उक्त टोलीले गहनासहित दिपेशलाई फेला पारेको हो।
११ वटा नौगेडी माला, ७ वटा सिङगल गेडी माला, क्रिष्टल रहेको १३ वटा माला, ६ वटा मंगलसुत्र, एउटा सोली गेडी माला, ३ जोर टप, एउटा तिलहरी, ९ वटा क्लिप, ३ वटा मोतीका माला, एउटा लकेट, एउटा मोतीहार २४ वटा औंठी, १९ वटा फुली र तीन वटा गेडी बरामद भएको हो।
बिल नभएका सुनका गहनासहित एक जना काठमाडौंबाट पक्राउ परेका छन्।
ती सामानका बिल नभेटिएपछि प्रहरीले उनलाई पक्राउ गरेको हो। उनीमाथि थप अनुसन्धान गर्न प्रहरीले चित्रकारलाई राजश्व अनुसन्धान विभागमा पठाएको छ।
