महिलाको चरित्र हत्या गरेको आरोपमा प्रहरीले एक जनालाई पक्राउ गरेको छ।
साइबर ब्युरोले भारतको विहार घर भई काठमाडौंको क्षेत्रपाटी बस्ने ४१ वर्षीय नुनु रायलाई पक्राउ गरेको एसपी दिपकराज अवस्थीले जानकारी दिए।
कामको सिलसिलामा चिनजान भएकी साथीसँग उनी सम्बन्धमा बसेका थिए। फेसबुकमा कुराकानी र भेटघाटका क्रममा भएका क्रियाकलापलाई उनले गोप्य रूपमा भिडिओ रेकर्ड गरेको प्रहरीले जनाएको छ।
तर पछि दुई जनाबीचको मनमुटाव भएपछि आफन्त तथा साथीहरूलाई म्यासेन्जरमा भिडिओ पठाएर चरित्र हत्या गरेको भन्दै पीडितले ब्युरोमा जाहेरी दिएकी थिइन्।
अनुसन्धान गरी प्रहरीले उनलाई पक्राउ गरेको हो। उनीमाथि काठमाडौं जिल्ला अदालतबाट म्याद थप गरी अनुसन्धान अघि बढाएको छ।
