इसराइलले गजा क्षेत्रमा हवाई आक्रमण गर्दा चार सयभन्दा बढीको मृत्यु भएको छ।
इसराइलले गजामा आक्रमण गरेपछि दुई महिनादेखि रोकिएको युद्ध पुन: सुरू हुने खतरा बढको छ।
मंगलबार भएको आक्रमणबाट ४०० जना भन्दा बढीले ज्यान गुमाएको अन्तर्राष्ट्रिय समाचार संस्था रोयटर्सले प्यालेस्टाइनी स्वास्थ्य निकायलाई उदृत गर्दै समाचार लेखेको छ।
प्यालेस्टाइनी लडाकू समूह हमाससँग अझै पनि ५९ जना बन्धक छन्। इसराइसले फेरि आक्रमण गरिपछि युद्धविराम तोडिएको जनाएको छ।
इसराइली प्रधानमन्त्री बेन्जामिन नेतान्याहूले हमासले बाँकी रहेका बन्धकहरूलाई छाड्न र युद्धविरामका प्रस्ताव अस्वीकार गरेको हुँदा सेनालाई कडा कारबाही गर्न आदेश दिएको बताएका छन्।
दुई पक्षको युद्धविरामका लागि मध्यस्थकर्ताको भूमिकामा रहेको इजिप्टले गत जनवरीमा दुबै पक्षलाई संयम भएर दिगो सम्झौताका लागि काम गर्न अनुरोध गरेको थियो।
तर यसैबीच इसराइलले घर, टेन्टमा हवाई आक्रमण गरेको हो।
गजाको स्वास्थ्य मन्त्रालयले ४०४ जना मारिएको र तीमध्ये धेरै बालबालिका रहेको जनाएको छ। ५६२ जना घाइते समेत रहेको रोयटर्सले जनाएको छ।
-1742801159.jpg)
