२० जना नेपालीलाई थाइल्याण्डबाट उद्धार गरिएको छ।
रोजगारीका लागि विभिन्न एजेन्टहरूले प्रलोभनमा पारेर पलाउ देश लैजाने भन्दै थाइल्याण्ड पुर्याएर अलपत्र पारेका २० जना नेपालीलाई मानव बेचबिखन अनुसन्धान ब्युरोले उद्धार गरेको छ।
थाइल्याण्डस्थित नेपाली दूतावासको सहयोगमा उनीहरूलाई ब्युरोले फागुन २३ गते उद्धार गरेको हो।
उनीहरूलाई थाइल्याण्डमा पुर्याइ ४२ दिनसम्म कुनै पनि तालिम नगराएको र त्यहाँ पुर्याएर एजेन्ट लेक निरौलाले मानसिक यातना दिने र थप पैसा मागेको ब्युरोका प्रवक्ता एसपी नरेन्द्र कुँवरले जानकारी दिए।
उनका अनुसार सुरूआतमा ४ लाख लिई थाइल्याण्ड पुर्याएको र त्यहाँ पुगेपछि थप ४ लाख रूपैयाँ लिएको आरोप छ। उनीहरूलाई एजेन्टले होटल तथा इलेक्ट्रिसियनमा काम गर्ने भन्दै ह्वाट्सएपमा कुरा गरेका थिए।
