काठमाडौंको सुकेधारमा शव भेटिएको घटनामा एक जना पक्राउ परेका छन्।
पक्राउ पर्नेमा दोलखाको मेलुङ्ग गाउँपालिका–६ का २९ वर्षीय विराट ठकुरी छन्। उनलाई शुक्रबार पक्राउ गरिएको काठमाडौं प्रहरी परिसरका एसपी अपिलराज बोहराले जानकारी दिए।
ओखलढुंगा घर भई काठमाडौं महानगरपालिका-७ बस्ने ५० वर्षीय अड्विर राईको हत्या भएको थियो। उनको शव बुधबार साँझ सवा ८ बजे उनको शव सुकेधारामा फोहोरको थुप्रोले पुरेको अवस्थामा भेटिएको थियो।
उनको टाउको, निधार र नाकमा धारिलो हतियारले प्रहार गरेको चोट थियो। मृतक राई लैंगिक तथा यौनिक अल्पसंख्यक समुदायका व्यक्ति हुन् ।
पक्राउ परेका ठकुरीलाई आइतबार म्याद थपका लागि अदालत लैजाने तयारी प्रहरीको छ। घटनाबारे थप अनुसन्धान भइरहेको एसपी बोहराले जानकारी दिए।
