झापाको बिर्तामोडस्थित वीरता जेसीजको अध्यक्षमा युवराज कुँवर निर्विरोध निर्वाचित भएका छन्।
वीरता जेसीसको ४४ औँ अधिवेशन तथा साधारण सभाबाट कुँवर सन् २०२५ का लागि निर्विरोध निर्वाचित हुन सफल भएका हुन्।
अध्यक्ष पदका तीन उम्मेदवारमध्ये अध्यक्ष पदका तीन उम्मेदवारमध्ये सुरज चौधरी र दिवाकरलाल चौधरीले ककस प्रक्रियामा भाग नलिएपछि निर्वाचन अधिकृत घनश्याम चौधरीले कुँवर निर्विरोध निर्वाचित भएको घोषणा गरे।
ककसमा सहभागी नहुने उम्मेद्वारको उम्मेद्वारी स्वतः खारेज हुने जेसीजमा व्यवस्था छ।
कार्यकारिणी उपाध्यक्षमा प्रभात मास्के र सुमनकुमार पोद्धार पनि निर्विरोध निर्वाचित भए। वीरता जेसिसको सम्पूर्ण पदमा निर्विरोध निर्वाचित भएको घोषणा गरिएको हो।
वीरता जेसिसको संयुक्त सचिवमा सुमन तिखत्री, उपाध्यक्षहरूमा पुष्प भण्डारी, शुभम शाह, अजय कुमार चौधरी र अजय अधिकारी निर्विरोध निर्वाचित भएका छन्। त्यस्तै जनसम्पर्क अधिकारीमा अभिषेक गहतराज डिक र तालिम संयोजकमा सुशील थापा निर्विरोध निर्वाचित भएका छन्।
जेसिसको विधान अनुसार कानुनी सल्लाहकार, महासचिव, कोषाध्यक्ष र सहकोषाध्यक्ष अध्यक्षले मनोनित गर्ने व्यवस्था रहेको छ भने निवर्तमान अध्यक्ष बोर्ड पदेन सदस्य हुने व्यवस्था रहेको छ।
