बाराको सुधार केन्द्रभित्र एक जना युवकमाथि कुटपिट गरी हत्या भएको छ।
शुक्रबार बिहान २ बजे कलैया उपमहानगरपालिका-१ भवानिपुरमा रहेको नवजन्म सुधार केन्द्रमा एक जना पुरूषको हत्या भएको हो।
कलैया-९ रामपुर टोलका ३७ वर्षीय धिरेन्द्र भन्ने प्रदीपप्रसाद मण्डलको हत्या भएको हो।
केन्द्रमा रहेका मानिसहरूसँग विवाद हुँदा कुटपिट भएको जिल्ला प्रहरी कार्यालय बाराका एसपी सन्तोष तामाङले जानकारी दिए।
उनी पछिल्लो १५ दिनदेखि उक्त सुधार केन्द्रमा बस्दै आएका थिए। राति कुटपिटबाट घाइते भएका उनलाई प्रादेशिक अस्पताल कलैयामा लगिएको थियो। त्यहाँ जाँच गर्नेक्रममा चिकित्सकले मृत घोषणा गरेको थियो।
प्रहरीले अहिले सात जनालाई पक्राउ गरी अनुसन्धान गरिरहेको छ।
पक्राउ पर्नेमा कलैयाका सरफराज मन्सुरी, निरज सरार्फ, महमद आशु मिँया शेख, अरूण सरार्फ, प्रमेश्वर साह, तमन्ना अली र सागर गुप्ता छन्।
