काठमाडौंमा एक जना युवकको हत्या भएको छ।
चाबहिलको कुमारीगालमा मध्यराति दुई पक्षबीच झडप हुँदा एक युवकमाथि छुरा प्रहार भएको हो।
छुरा प्रहारबाट एक युवकको हत्या भएको प्रहरीले बताएको छ। ती युवकको छातीमा चोट लागेको प्रहरी स्रोतले जानकारी दियो। मृतक काभ्रे घर भएका २२ वर्षीय अमृत कार्की छन्।
छुरा प्रहारमा संलग्न तीन जनालाई प्रहरीले नियन्त्रणमा लिएको छ। अन्य व्यक्तिहरूको खोजी भइरहेको प्रहरीले जनाएको छ।
प्रहरीले पक्राउ परेका व्यक्तिहरूको पहिचान खुलाएको छैन। यसबारे पत्रकार सम्मेलन गरी सार्वजनिक गर्ने तयारी गरिरहेको छ। प्रहरी वृत्त गौशालाले घटनाको अनुसन्धान गरिरहेको छ।
