काठमाडौंको फर्पिङमा स्कुल बस दुर्घटनामा भएको छ।
दुर्घटनामा परेर बसका चालक र एक जना छात्रको मृत्यु भएको छ।
आइतबार अपराह्न पौने ४ बजे दक्षिणकाली नगरपालिका-३ फर्पिङको भन्ज्याङमा जुनकिरी इंग्लिस स्कुलको बस दुर्घटना हुँदा चालक र एक जना विद्यार्थीको मृत्यु भएको जिल्ला प्रहरी परिसर काठमाडौंका एसपी अपिलराज बोहोराले जानकारी दिए।
स्कुल बसमा ५० जना सवार रहेको प्रहरीले जनाएको छ। ‘दुई जनाको मृत्यु भएको छ। चालक राधाकृष्ण मगर र ८ वर्षीय विद्यार्थी विपिन श्रेष्ठको मृत्यु भएको छ,’ उनले भने।
बस सडकबाट ५० फिट तल खसेको थियो। प्रहरीले थप विवरण लिने काम गरिरहेको छ।
घाइतेहरूलाई विभिन्न अस्पतालमा लगिएको छ। घाइतेहरूको सनाखत गर्ने काम भइरहेको एसपी बोहोराले बताए।
-1739102426.jpg)
