नुवाकोटमा बसको ठक्करबाट मोटरसाइकलमा सवार एक जनाको मृत्यु भएको छ।
बुधबार दिउँसो बेलकोटगढी नगरपालिका-७ मा बसले मोटरसाइकललाई ठक्कर दिँदा एक जनाको मृत्यु भएको जिल्ला प्रहरी कार्यालय नुवाकोटका एसपी दुर्गा रेग्मीले जानकारी दिए।
बा ३ ख ५५४७ नम्बरको बसले बा ५८ प २८०४ नम्बरको मोटरसाइकललाई ठक्कर दिएको हो।
ठक्करबाट सोही ठाउँमा बस्ने जीवन राईको उपचारको क्रममा मृत्यु भएको एसपी रेग्मीले बताए।
उनका अनुसार राईलाई त्रिशुली अस्पताल लगिएको थियो। बसमा सवार १७ जना पनि सामान्य घाइते रहेको उनले बताए।
बसका चालक प्रहरीको नियन्त्रणमा छन्। उनी हाल उपचाररत छन्।
