जनता समाजवादी पार्टी नेपालले केन्द्रीय समिति बैठक बोलाएको छ।
बैठक फागुन १९, २०, २१ गते बस्ने गरी परिपत्र पठाइएको प्रचार विभाग प्रमुख पूर्ण बस्नेतले बताए।
उनकाअनुसार बैठक काठमाडौंमा बस्नेछ।
त्यस्तै जसपा नेपालले केन्द्रीय निर्वाचन आयोगले प्रस्तुत गरेको निर्वाचनसम्बन्धी कार्यविधिलाई अनुमोदन गरेको छ। माघको १९, २०, २१ गते बसेको केन्द्रीय कार्यकारिणी समिति बैठकले उक्त कार्यविधि अनुमोदन गरेको हो।
सोमबार सकिएको बैठकले सरकारले संसदमा प्रस्तुत गरेको अध्यादेशबारे विश्लेषण गरी पार्टीको धारणा बनाउन सुझाव दिने हेतु राजकिशोर यादवको नेतृत्वमा कार्यदल बनाएको छ।
त्यसमा मृगेन्द्रकुमार सिंह यादव, खालिद सिद्धिकी, मनीषकुमार सुमन, शैलेन्द्रप्रसाद साह सदस्य रहेका छन्।
