अछाममा दुई जना किशोरी मृत फेला परेको घटनामा प्रहरीले दुई जना शंकास्पद व्यक्तिलाई नियन्त्रणमा लिएको छ।
ढकारी गाउँपालिका–१ जंगलमा मृत फेला परेका दुई किशोरीको घटनाबारे अनुसन्धानको क्रममा दुई जनालाई नियन्त्रणमा लिएर अनुसन्धान गरिरहेको जिल्ला प्रहरी कार्यालय अछामका डिएसपी ईश्वरी प्रसाद भण्डारीले जानकारी दिए। उनीहरूलाई राति २ बजेतिर पक्राउ गरिएको हो।
‘उनीहरूमाथि शंका लागेर सोधपुछका लागि नियन्त्रणमा लिएका हौं,’ डिएसपी भण्डारीले भने।
मृतक किशोरीहरूको शव पोष्टमर्टमका लागि नेपालगन्ज पुर्याइएको छ।
शुक्रबार बाख्रा चराउन गएका ढकारी गाउँपालिका–८ का १४ वर्षीया ईश्वरी खड्का र १५ वर्षीया सरस्वती खड्का शरीरमा चोट लागेको अवस्थामा फेला परेका थिए।
