रोल्पामा जिप दुर्घटना हुँदा एक किशोरको घटनास्थलमै मृत्यु भएको छ भने आठ जना घाइते भएका छन्।
गंगादेव गाउँपालिका–१ बिवाङका १४ वर्षीय उमेश घर्तीको घटनास्थलमै मृत्यु भएको जिल्ला प्रहरी कार्यालय रोल्पाले जनाएको छ।
घाइतेहरूको स्मृति हस्पिटल घर्तीगाउँमा उपचार भइ रहेको छ
यस्तै त्रिवेणी गाँउपालिका– ७ बजवाङका २२ वर्षीय बगबिर खत्रीको अवस्था गम्भीर हुँदा उनलाई जिल्ला अस्पताल रेउघा रिफर गरिएको प्रहरीले जनाएको छ।
बिहीबार बेलुकी मेलटारीबाट पोखरातर्फ जाँदै गरेको ग १ ज ५७४२ नम्बरको डबल क्याप जिप गंगादेव–१ चैते काफल भन्ने स्थानमा दुर्घटनामा परेको थियो।
गंगादेव– १ ओतका २३ वर्षीय चालक पूर्णबहादुर वलीलाई प्रहरीले नियन्त्रणमा लिएको छ।
