महोत्तरीमा सहोडवादेखि जनकपुरतर्फ जाँदै गरेको कार अनियन्त्रित भएर पोखरीमा खसेको छ।
बिहीबार बिहान करिब १० बजेतिर महोत्तरी पिपरा गा.पा. वडा नं. ३ बनटोलवा स्थितमा प्र ३-०१-०२३ च ५५५४ नं. को कार सहोडवादेखि जनकपुरतर्फ जाँदै गर्दा अचानक अनियन्त्रित भई पोखरीको खसेको हो।
ईलाका प्रहरी कार्यालय सहोडवा, महोत्तरीका अनुसार कार सहोडवा-५ बस्ने ५७ वर्षीय विश्वनाथ यादवले चलाएका थिए। यादवको घाँटी र कम्मरको पछाडि भागमा सामान्य चोट लागेको थियो। उनको स्थानीय मेडिकलमा उचारपश्चात डिस्चार्ज भइसकेका छन्।
ईलाका प्रहरी कार्यालय सहोडवा, महोत्तरीमा प्राप्त हुनसाथ प्रहरी नायब निरीक्षक ओम प्रकाश मण्डलको कमाण्डमा टोली खटिएको थियो।
कार पोखरीबाट करिब ११:३० बजे डोजरको मद्दतले बाहिर निकालिएको थियो। कारको गाडीको विभिन्न पार्टपुर्जाहरू भाँचिएका छन्।
