स्याङ्जामा खेतमा शंकास्पद वस्तु फेला परेको छ।
बुधबार बिहान सवा १० बजे स्याङ्जाको पुतलीबजार नगरपालिका-१४ लामागेस्थित जेसिबीले खेत सम्याउने क्रममा शंकास्पद वस्तु फेला परेको हो।
जिल्ला प्रहरी कार्यालय स्याङ्जाका निमित्त प्रमुख प्रहरी नायब उपरीक्षक हरिप्रसाद पौडेलका अनुसार स्थानीय विष्णुप्रसाद पौडेलको खेत सम्याउने क्रममा बाटो बनाउँदा प्रयोग हुने मोर्टारजस्तो देखिने शंकास्पद वस्तु फेला परेको बताए।
शंकास्पद वस्तु फेला परेपछि प्रहरीले नेपाली सेनालाई खबर गरेको थियो।
सेनाको बम डिस्पोजल युनिट घटनास्थल पुगेर शंकास्पद वस्तु डिस्पोज गर्ने क्रममा रहेको डिएसपी पौडेलले बताए।
