मकवानपुरमा बसको ठक्करबाट दुई वर्षीया बालिकाको मृत्यु भएको छ।
आइतबार अपराह्न पौने ४ बजे मनहरी गाउँपालिका-६ नयाँबस्तीमा बिलिभर्स इङ्ग्लिस बोर्डिङ स्कुलको बसले ठक्कर दिँदा बालिकाको मृत्यु भएको जिल्ला प्रहरी कार्यालय मकवानपुरले जनाएको छ।
ना १ क ९२५० नं. को बसले खडकबहादुर थिङकी छोरी पुजालाई ठक्कर दिएको हो। ठक्करपछि प्रहरीले बालिकालाई हेटौंडा अस्पताल पठाएको थियो।
त्यहाँ उपचारको क्रममा साँझ सवा ५ बजे मृत्यु भएको हो। प्रहरीले चालक मनहरी-७ बस्ने चन्द्रबहादुर तामाङलाई पक्राउ गरेको छ। इलाका प्रहरी कार्यालय मनहरीले अनुसन्धान अघि बढाएको छ।
