सल्यानमा एक ३ वर्षीया नाबालिकामाथि यौन हिंसा गरेको आरोपमा एक जना ६४ वर्षीय वृद्ध पक्राउ परेका छन्।
कालीमाटी गाउँपालिका – ३ मर्चेवारीका ६४ वर्षीय जोखबहादुर सेजवाल पक्राउ परेका हुन्। पीडित बालिकाकी आमाले आफ्नी ३ वर्षीया छोरीमाथि सेजवालले यौन दुराचार गरेको भनेर इलाका प्रहरी कार्यालय कालीमाटीमा मंगलबार बेलुका पौने ६ बजेतिर खबर गरेपछि प्रहरीले उनलाई पक्राउ गरेको थियो।
प्रहरीका अनुसार सेजवाललले मंगलबार दिउँसो २ बजेतिर ती नाबालिकालाई आफ्नै घरमा बोलाएर यौन दुराचार गरेको आरोप छ।
घटनाबारे थप अनुसन्धान भइरहेको सल्यानका प्रहरी प्रमुख डिएसपी केशर न्यौपानेले बताए।
