रुकुम पूर्वबाट झन्डै ६ किलो लागुऔषध चरेशसहित दुई जना महिला पक्राउ परेका छन्।
भूमेगाउँपालिका-७ गुनामबाट ४० वर्षीया रूजु बुढामगर र ५० वर्षीया जसमाया बुढामगर पक्राउ परेका हुन्।
उनीहरूलाई रूकुम पूर्वबाट खटिएको टोलीले शनिबार पक्राउ गरेको जिल्ला प्रहरी कार्यालय रूकुम पूर्वका डिएसपी माधव खरेलले जानकारी दिए।
उनका अनुसार उनीहरूको साथबाट झन्डै ६ किलो चरेश बरामद भएको छ। अदालतबाट म्याद थप गरी अनुसन्धान भइरहेको डिएसपी खरेलले बताए।
