दाङको तुलसीपुर बसपार्कबाट प्रहरीले शनिबार ९ जनालाई जुवा खेलिरहेको अवस्थामा पक्राउ गरेको छ।
उनीहरूको साथबाट साढे दुई लाख रूपैयाँभन्दा बढी नगद, नयाँ र पुराना गरी तीन गड्डी तास बरामद भएको छ।
तुलसीपुर-५ का एक व्यक्तिको घरमा अवैध रूपमा तास खेलिरहेका उनीहरूलाई शनिबार अपराह्न पौने चार बजे पक्राउ गरिएको हो।
गोप्य सूचनाको आधारमा इप्रका तुलसीपुरका प्रहरी निरीक्षक विनोदराज खत्रीको कमाण्डमा गएको विशेष प्रहरी टोलीले उनीहरूलाई नियन्त्रणमा लिएको हो।
स्रोतका अनुसार पक्राउ परेका व्यक्तिहरू स्थानीय व्यापारी हुन्। उनीहरूको पहिचान सार्वजनिक गरिएको छैन।
