डडेल्धुरामा ट्याक्टर दुर्घटना चालकको घटनास्थलमै मृत्यु भएको छ।
मंगलबार बिहान साढे ३ बजे आलिताल गाउँपालिका–१ घण्टेश्वर मन्दिर नजिक भिमदत्त राजमार्गमा साहुखर्कबाट गैरा तर्फ जाँदै गरेको से २ त २४३१ नम्बरको ट्याक्टर नालिमा पल्टिएर दुर्घटना भएको हो।
उक्त दुर्घटनामा चालक कैलालीको घोडाघोडी नगरपालिका–१० पहलवानपुर बस्ने ३० वर्षीय विशाल चौधरीको मृत्यु भएको प्रहरीले जनाएको छ।
ट्याक्टरको टायरमुनी च्यापिन गई चौधरीको घटनास्थलमै मृत्यु भएको जिल्ला प्रहरी कार्यालय डडेल्धुराले जनाएको छ।
