साई स्वागत सहकारीका अध्यक्ष भरत जंगमले पीडित पक्षसँग मिलापत्र गरेर छुटेका छन्।
जिल्ला प्रहरी परिसर काठमाडौं स्रोतका अनुसार जंगम केही दिनअघि नै पीडित पक्षसँग मिलापत्र गरेर छुटेका हुन्।
सरकारी वकिल कार्यालय काठमाडौंका न्यायाधिवक्ता खडिन्द्र कटुवालका अनुसार जंगमले पीडितले जाहेरीमा माग गरेको बिगो रकम बुझाएका थिए।
गुड फर पेमेन्ट चेकमार्फत् एक करोड बढी रकम बुझाएपछि मिलापत्र गरी छुटेको कटुवालले बताए।
पुस ७ गते प्रहरीले उनलाई साई सहकारीको बचत रकम अपचलन गरेको आरोपमा पक्राउ गरेको थियो।
