भक्तपुरमा भएको बाबु र छोराको हत्या प्रकरणमा जेठो छोराले प्रहरी पुगेर आत्मसमर्पण गरेका छन्।
खोटाङको दिक्तेल रूपाकोट मझुवागढी नगरपालिका वडा नम्बर १ का ५६ वर्षीय कुलप्रसाद आचार्य र उनका २२ वर्षीय छोरा प्रवीण आचार्यको शव फेला परेको थियो भने कोठामा जेठा छोरा मिलन आचार्य थिएनन्।
यस घटनामा जेठो छोराको संलग्नता हुन सक्ने आशंका छ।
गत शनिबार राति घटना भएदेखि नै जेठो छोरा सम्पर्कविहीन थिए। उनका बाबु र भाइको शव भने डेरामै सोमबार बिहान बेग्लाबेग्लै कोठामा फेला परेको थियो।
डेराबाट सम्पर्कविहीन भएका जेठा छोरा मिलन मंगलबार प्रहरीको सम्पर्कमा पुगेका छन्।
उनी काठमाडौंको महाराजगञ्जस्थित प्रहरी वृत्तमा पुगेर आत्मसर्पण गरेको स्रोतले जानकारी दिएको छ।
यो पनि:
भक्तपुरमा सनसनी मच्चाएको बाबुछोराको हत्याको घटना (भिडिओ)
भक्तपुरमा हत्या भएका व्यक्ति हुलाकका निमित्त प्रमुख (भिडिओ)
-1734942563-1734966876.jpeg)
