स्याङ्जामा एक जना पुरूष मृत फेला परेका छन्।
आइतबार बिहान पौने ८ बजे पुतलीबजार नगरपालिका-३ काफलडाँडा घर्तिगाउँका ६३ वर्षीय गोपाल घर्ती मृत फेला परेको जिल्ला प्रहरी कार्यालय स्याङ्जाका प्रहरी निरीक्षक उमेशलाल श्रेष्ठले जानकारी दिए।
उनका अनुसार मृतक घर्ती शनिबार अपराह्नमा घरबाट मापसे गरी बाडखोला जान भनेर निस्किएका थिए।
तर अबेर रातिसम्म पनि फर्किएनन्। नफर्किएपछि खोजी गर्नेक्रममा घरदेखि १०० मिटर पूर्व गोरेटोमा मृत फेला परेको प्रहरी निरीक्षक श्रेष्ठले बताए।
घटनाको प्रहरीले थप अनुसन्धान अघि बढाएको छ।
