रामेछापमा ट्याक्टर दुर्घटना हुँदा चालकको मृत्यु भएको छ।
शनिबार मध्यान्ह करिब १२ बजे खाँडादेवी गाउँपालिका-६ माकादुममा ना ६ त ७८२४ नम्बरको ट्याक्टर दुर्घटनामा परेको हो।
दुर्घटनामा परी गम्भीर घाइते भएका चालक रामेछापकै ३७ वर्षीय खिलबहादुर भुजेलको उपचारको क्रममा मृत्यु भएको हो।
गाल्पाबाट गोगनपानी जाँदै गरेको उक्त ट्याक्टर सडकबाट २०० मिटर तल खसेर दुर्घटनामा परेको हो।
प्रहरीले घटनाबारे थप अनुसन्धान अघि बढाएको छ।
