ताप्लेजुङमा ६ दिनदेखि बेपत्ता रहेका पुरूषको शव फेला परेको छ।
सिरिजंघा गाँउपालिका–५ स्थित काबेली खोलामा बेपत्ता भएका ४५ वर्षीय राजेन्द्र बुढाथोकीको शव मंगलबार सशस्त्र प्रहरी बलको गोताखोरले फेला पारेको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।
बुढाथोकीको शव गोताखोरले ७० फिट गहिराइबाट निकालिएको डिएसपी थापाले बताए।
उनी मंसिर १९ गते खोलामा नुहाउने क्रममा बेपत्ता भएका थिए। उनी बेपत्ता भएको स्थानभन्दा ५० मिटर टाढा बालुवाले पुरिएको अवस्थामा फेला परेको थियो।
घटनाबारे जानकारी पाएपछि सशस्त्र प्रहरी बल नेपाल नम्बर १ बराह बाहिनी मुख्यालयबाट गोताखोर तथा विपद् व्यवस्थापन तालिम प्राप्त टोली खटिएको थियो।
