दाङमा दुर्घटनाग्रस्त अवस्थामा गाडी भेटिएको छ।
दाङको राप्ति गाउँपालिका-३ कटेशखोला नजिकको सडकमा लु २ ख ४२०४ नम्बरको गाडी पल्टिएको अवस्थामा भेटिएको हो।
राप्ती प्रहरीले गएराति गस्ती गर्ने क्रममा गाडी सडकमै पल्टिएको अवस्थामा फेला पारेपछि चालक र सवारी धनीबारे सोधखोज गरेको थियो।
इलाका प्रहरी कार्यालय भालुवाङका अनुसार खोजतलासपछि चालक र सहचालकलाई सिसहनिया स्वास्थ्य चौकीमा सामान्य घाइते अवस्थामा भेटिएको थियो।
गाडी धनीले आफू नआउँदासम्म गाडी केही नगर्नू भनेकाले गाडी सडकमै रहेको प्रहरीले जनाएको छ। उक्त गाडी कपिलवस्तुको चन्द्रौटाबाट लमहीतर्फ आउँदै थियो ।
सडकको किनारमा पल्टिएको अवस्थामा गाडी रहेकाले सडक अवरूद्ध नभएको पनि प्रहरीले जनाएको छ।
-1733722666.jpg)
