इतिहासकार पुरूषोत्तम शमशेर राणाको निधन भएको छ।
९९ वर्षीय राणाको उपचारका क्रममा ललितपुरको मेडिसिटी अस्पतालमा बिहीबार मध्याह्न १२:१३ बजे निधन भएको उनकी बुहारी भगवती राणाले सेतोपाटीलाई जानकारी दिइन्।
न्यून रक्तचाप जस्ता समस्या देखिएपछि उनलाई उपचारका लागि बुधबार बेलुकी करिब ८ बजे मेडिसिटी अस्पतालमा लगिएको थियो।
राणाले लेखेका 'श्री ३ हरूको तथ्य वृत्तान्त, लुकेछिपेका प्रतिभाहरू, राणाकालीन प्रमुख दरबारहरू' लगायत पुस्तक चर्चित छन्।
