कैलालीमा बस दुर्घटना हुँदा घाइते चालकको उपचार क्रममा मृत्यु भएको छ।
सोमबार बझाङको दुर्गाथली गाउँपालिका–५ भलान्याका २५ वर्षीय मोहन जप्रेल बस दुर्घटना हुँदा घाइते भएका थिए।
इलाका प्रहरी कार्यालय मालाखेतीका प्रहरी नायब उपरीक्षक गंगाबहादुर थापाका अनुसार गोदावरी नगरपालिका–४ वनदेवी नजिकै सुदूरपश्चिम प्रदेश ०१–००१ ख ३२२८ नम्बरको बस अनियन्त्रित भएर दुर्घटना भएको थियो।
घाइते चालकको सेती प्रादेशिक अस्पतालमा उपचारको क्रममा मृत्यु भएको डिएसपी थापाले बताए।
