काठमाडौंको लाजिम्पाटस्थित इनोभा अस्पतालको पार्किङमा एक व्यवसायीमाथि भएको कुटपिट घटनामा थप एक जना पक्राउ परेका छन्।
पक्राउ पर्नेमा निश्चिल सुनार रहेको जिल्ला प्रहरी परिसर काठमाडौंका एसपी नवराज अधिकारीले जानकारी दिए।
'उनलाई झापाबाट नियन्त्रणमा लिएका हौं, थप अनुसन्धान हुँदैछ,' एसपी अधिकारीले भने।
यसअघि शैलेन्द्र तामाङ भन्ने 'मार्सल' लाई प्रहरीले पक्राउ गरेको थियो।
कात्तिक ११ गते आइतबार बिहान साढे ११ बजे नुवाकोट ककनी गाउँपालिका-६ घर भई टोखा नगरपालिका वडा नम्बर -३ बस्ने ३५ वर्षीय विक्रम लामामाथि अस्पतालकै पार्किङमा अन्धाधुन्ध रड प्रहार भएको थियो।
उनीमाथि चार जनाले रड प्रहार गरेको भिडिओमा देखिएको थियो।
यो पनि:
इनोभा अस्पतालको पार्किङमा एक व्यक्तिमाथि कुटपिट, एक नियन्त्रणमा
