काठमाडौंमा रेड पाण्डाको छालासहित एक जना पक्राउ परेका छन्।
बागलुङ वरेङ गाउँपालिका-३ घर भई काठमाडौं स्वयम्भू बस्ने ४५ वर्षीय तारा थापा पक्राउ परेका हुन्।
उनलाई प्रहरी वृत्त महाराजगंज र प्रहरी प्रभाग गोंगबुबाट खटिएको टोलीले मंगलबार काठमाडौं महानगरपालिका-२६ गोंगबुबाट पक्राउ गरेको हो।
उनको साथबाट वन्यजन्तु रेड पाण्डाको २ वटा छालासहित पक्राउ गरेको प्रहरीले जनाएको छ। यस घटनामा प्रहरीले थप अनुसन्धान गरिरहेको छ।
