काठमाडौंको लाजिम्पाटको इनोभा अस्पतालको पार्किङमा एक व्यक्तिमाथि रड प्रहार भएको छ।
आइतबार बिहान साढे ११ बजे नुवाकोट ककनी गाउँपालिका-६ घर भई टोखा नगरपालिका वडा नम्बर -३ बस्ने ३५ वर्षीय बिक्रम लामामाथि अस्पतालकै पार्किङमा अन्धाधुन्ध रड प्रहार भएको हो।
उनीमाथि अस्पतालको पार्किङमा रड प्रहार भएको थियो। रड प्रहार भएको भएर घाइते भएका लामाको ग्रीन सिटी अस्पतालमा उपचार भइरहेको प्रहरी परिसर काठमाडौंको एसपी नवराज अधिकारीले जानकारी दिए।
'उनीमाथि चार जनाले कुटपिट गरेको भिडिओमा देखिएको छ, यस विषयमा हामीले अनुसन्धान गरिरहेका छौं,' एसपी अधिकारीले भने।
उपत्यका अपराध अनुसन्धान कार्यालय स्रोतका अनुसार यस घटनामा एक जनालाई पक्राउ गरी अनुसन्धान भइरहेको छ। अन्यको खोजी भइरहेको छ।
पक्राउ पर्नेमा शैलेन्द्र तामाङ भन्ने मार्सल छन्। घाइते भएका बिक्रम लामा जग्गाको व्यवसाय गर्छन्। अन्य कुटपिट गर्ने व्यक्तिहरू पनि ककनीकै रहेको अनुसन्धानबाट खुलेको छ।
उनीहरूबीच पुरानो रिसइबी हुनसक्ने प्रहरीको प्रारम्भिक अनुसन्धानमा देखिएको छ।