रोल्पामा मोटरसाइकलको ठक्करबाट एक जना ज्येष्ठ नागरिकको मृत्यु भएको छ।
सुनीलस्मृति गाउँपालिका वडा नम्बर २ धारापानीका ८४ वर्षीय रूद्र गिरीको मोटरसाइकलको ठक्करबाट मृत्यु भएको हो।
भालुवाङ रोल्पा सडक खण्डअन्तर्गत सुलिचौरदेखि कमिरेचौर तर्फ जाँदै गरेको लु ४० प २३४६ नम्बरको मोटरसाइकलले पैदल यात्रु गिरीलाई खुङग्री नजिकै बुधबार बलुकी सवा ७ बजेतिर ठक्कर दिएको थियो।
टाउकोमा चोट लागेका गिरीलाई उपचारका लागि प्राथमिक स्वाथ्य केन्द्र सुलिचौर पुर्याउँदा चिकित्सकले मृत घोषणा गरेका थिए ।
मोटरसाइकल चालक प्यूठानको स्वर्गद्धारी नगरपालिका वडा नम्बर ३ किमिचौरका २० वर्षे विशाल पुन प्रहरी नियन्त्रणमा रहेको जिल्ला प्रहरी कार्यालय रोल्पाले जानकारी दिएको छ।
