नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले श्रीलंकाका नवनिर्वाचित राष्ट्रपति अनुरा कुमारा दिशानायके लाई बधाई दिएका छन्।
सोमबार सामाजिक सञ्जालमार्फत अध्यक्ष प्रचण्डले श्रीलंकाका राष्ट्रपति दिशानायके र नेशनल पिपुल्स पावर गठबन्धनलाई बधाई दिएका हुन्।
श्रीलंकामा आइतबार वामपन्थी नेता दिशानायके राष्ट्रपति निर्वाचित भएका थिए। उनी श्रीलंकाका पहिलो वामपन्थी राष्ट्रपति हुन्।
‘भ्रष्टाचार, आर्थिक संकट र भूराजनीतिक तनावको सही समाधानको रूपमा मार्क्सवादी नेता चयन गर्ने श्रीलंकाली जनतालाई म सलाम गर्छु। उहाँको कार्यकालमा नेपाल र श्रीलंकाबीचको सम्बन्ध सुमधुर हुने विश्वास लिएको छु,’ अध्यक्ष प्रचण्डले सामाजिक सञ्जालमार्फत भनेका छन्।
