कोदालो प्रहार गरी सहोदर दाइको हत्या गरेको आरोपमा प्रहरीले एक जनालाई पक्राउ गरेको छ।
डोटीको जोरायल गाउँपालिका–६ डाँडागाउँ बस्ने ५५ वर्षीय नरबहादुर जोराले आफ्ना दाइको हत्या गरेको प्रहरीले जनाएको छ।
जिल्ला प्रहरी कार्यालय डोटीका अनुसार सोमबार घरायसी विवाद हुँदा नरबहादुरले टाउकोमा कोदालो प्रहार गरी ६५ वर्षीय दाइ गणेशबहादुर जोराको हत्या गरेका हुन्।
नरबहादुरलाई नियन्त्रणमा लिएर थप अनुसन्धान गरिरहेको प्रहरीले जनाएको छ।
