युवाहरुबीच झडप हुँदा जाजरकोटमा एक जनाको मृत्यु भएको छ। जिल्ला प्रहरी कार्यालय जाजरकोटका अनुसार बारेकोट गाउँपालिका-२ लिम्सामा युवाबीच झडप हुँदा नलगाड नगरपालिका-४ का नरेश रावलको मृत्यु ज्यान गएको हो।
यातायात क्षेत्रमा काम गर्ने ती युवाबीच बिहिबार राति झडप भएको जिल्ला प्रहरी कार्यालय जाजरकोटका प्रमुख मधुकुमार थापाले जानकारी दिए।
थापाका अनुसार राति मदिरा सेवन गर्नेक्रममा उनीहरूबीच झडप भएको हो। झडप भएको ठाउँभन्दा तलको खोलामा युवाको शव फेला परेको उनले जानकारी दिए।
घटनाको बारेमा बुझ्न ६ झनालाई नियन्त्रणमा लिइएको डिएसपी थापाले जानकारी दिए।
