पौषशुक्ल पूर्णिमादेखि माधवनारायण व्रत बसेका बर्तालु माधवनारायण भगवान्सहित काभे्रपलाञ्चोक जिल्लाको सांस्कृतिक शहर पनौती पुगेका छन् । प्रत्येक वर्ष माघशुक्ल तृतीयाका दिन माधवनारायण व्रत बसेका बर्तालु शङ्खरापुर नगरपालिकास्थित साँखुमा रहेको शाली नदीबाट पनौती जाने प्राचीनकालदेखिको परम्परा रहेकोे छ । दिउँसो पनौती हिँडेका बर्तालु भक्तपुर हुँदै काभ्रेपलाञ्चोकको पनौती पुगेका हुन् । माधवनारायणको यो दोस्रो तीर्थयात्रा हो ।
तृतीयाको बेलुकी पनौती पुगेका बर्तालुले माघ शुक्ल चतुर्थीको बिहान त्रिवेणी घाटमा स्नान गरी व्रत पूजा गरेका छन् । स्नान र पूजा सकिएपछि माधवनारायण भगवान्लाई लिएर सांस्कृतिक शहर पनौती परिक्रमा गरी चतुर्थीको दिउँसोको भोजन बनेपाको भोखुसीमा गरिन्छ ।
यसअघि माघकृष्ण चतुर्दशीको दिउँसो शाली नदीबाट पशुपति, दक्षिणकाली नगरपालिकाको शेषनारायण मन्दिरमा पनि माधवनारायणका बर्तालुले तीर्थयात्रा गरिसकेका छन् । पहिलो तीर्थयात्रा दुई रात र तीन दिनको हुने व्रत विधि छ । दोस्रो तीर्थयात्रा भने दुई दिन र एक रातको हुनेछ।
विगत वर्षमा करीब ४०० जनाले माधवनारायण व्रत गर्ने गरेकामा यस वर्ष कोरोना महामारीका कारण ४९ जनालाई मात्र स्वास्थ्य सुरक्षाका विधि अपनाएर सुरक्षित साथ राखिएको छ । महिला ३५ र पुरुष १४ गरी ४९ जना यसपटक व्रतमा सहभागी भई परम्परादेखि गरिँदै आएको माधवनारायण व्रतको संस्कृति संरक्षण गरिरहेको श्री माधवनारायण स्वस्थानी व्रत तथा शालीनदी सुधार समितिका अध्यक्ष मीजेन्द्रकाजी श्रेष्ठले बताए।
कोरोना महामारी भए पनि शालीनदीमा विगत वर्षमा जस्तै दर्शनार्थीको भीड लाग्ने गरेको छ । कोरोनापछि सबै क्षेत्र खुला भइसकेकाले दर्शनार्थी विना हिच्किचाहट शालीनदीमा आइरहेका छन् । शङ्खरापुर नगरपालिकाले माधवनारायण मेला नचलाउने भने पनि देशका विभिन्न भागबाट स्वतःस्फूर्तरुपमा भक्तजन शाली नदीमा आएको समितिले जनाएको छ ।
शनिबार र सार्वजनिक बिदा परेका दिन शाली नदीमा भक्तजनको भीड लाग्ने गरेको छ । शाली नदीस्थित माधवनारायण मन्दिर जाने भक्तजनलाई अनिवार्यरुपमा मास्क लगाउनुपर्ने नियम छ । मास्क नलगाई जानेलाई समितिले निःशुल्क मास्क वितरण गरिरहेको छ । सबै भक्तजनलाई हातमा स्यानिटाइजर लगाएरमात्र मन्दिर प्रवेश गराइन्छ ।
मन्दिर नछिर्ने तर शालीनदी क्षेत्रमा आउने भक्तनलाई भने समितिले माइकिङ गरेर मास्क लगाउन आह्वान गर्दै आएको छ । शाली नदीमा एकमहिने माधवनारायण मेलाका कारण साँखु, पालुवारी, जहरसिंपौवालगायत स्थानमा उपत्यकाका विभिन्न स्थानबाट चल्ने सार्वजनिक यातायात भीड हुने गरेको छ ।
हेर्नुहोस् तस्बिरहरू
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2821%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%281%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%282%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%283%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%284%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%285%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%286%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%287%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%288%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%289%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2810%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2811%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2812%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2813%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2814%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2815%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2816%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2817%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2818%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2819%29.jpeg)
![](https://www.setopati.com/uploads/editor/sujita%20file/Natayan%20Maharjan/Madhav%20Narayan/Madhav%20Narayan%20%2820%29.jpeg)