सासूमाथि बोक्सीको आरोप लगाई हत्या गर्ने एक जना पक्राउ परेका छन्।
सिराहा कर्जन्हा नगरपालिका-३ की ३५ वर्षीया मन्जुदेवी साहलाई प्रहरीले आइतबार पक्राउ गरेको जिल्ला प्रहरी कार्यालय सिराहाले जनाएको छ।
उनीमाथि आफ्नै ८५ वर्षीया सासूआमा सुदादेवी साहको हत्याको आरोप छ।
उनले कात्तिक ११ गते सासूआमा साहलाई बोक्सीको आरोप लगाई कुटपिट गरेका थिए।
कुटपिट गर्दा घाइते भएकी साहको उपचारको क्रममा मृत्यु भएको कार्यालयले जनाएको छ।
त्यस घटनापछि फरार रहेका उनलाई प्रहरीले ईलाका प्रहरी कार्यालय, मिर्चैया सिराहाबाट खटिएको टोलीले पक्राउ गरेको हो। प्रहरीले उनलाई आफ्नै घरबाट पक्राउ गरेको हो।
उनीमाथि प्रहरीले थप अनुसन्धान तथा कारबाहीको लागि अदालतमा बुझाएको छ।
