डाक्टर गोविन्द केसीको समर्थनमा आज पनि माइतीघर मण्डलामा प्रदर्शन भएको छ।
उनका पक्षमा सोलिराडिटी फर जिकेसी अलायन्सले मंगलबार माइतीघर मण्डलामा प्रदर्शन गरेको हो।
अलाइन्सले डा. केसीको जीवन रक्षा माग गर्दै विभिन्न प्लेकार्ड बोकेर प्रदर्शन गरेको हो।
प्रदर्शनकारीले गोविन्द केसीको माग पूरा गर, गोविन्द केसीको जीवन रक्षा गर, दूरदराजमा मेडिकल शिक्षा खै?, नाममा समाजवाद, स्वास्थ्यमा व्यापार, कर्णाली विज्ञान प्रतिष्ठानमा एमबिबिएस पढाइ तत्काल सुरू गरजस्ता नारा लेखिएका पर्चा बोकेका थिए।
मेडिकल क्षेत्रमा देखिएका विकृति विसंगतिविरूद्ध आवाज उठाउँदै आएका डा.केसीको यो १९ औं सत्याग्रह हो। स्वास्थ्यमा समस्या आएपछि हाल उनको टिचिङ अस्पतालमा उपचार भइरहेको छ।
तस्बिरहरू:
.jpg1601380177.jpg)
