मोटरसाइकल दुर्घटना हुँदा दाङमा एक महिलाको मृत्यु भएको छ।
तुलसीपुर उपमहानगरपालिका वडा नं. ११ कटाँहा माइती घर भएकी २४ वर्षीया पवित्रा डाँगीको मृत्यु भएको छ।
डाँगी हाल तुलसीपुर ६ बरुवा गाउँमा कोठा भाडामा लिएर बस्दै आएकी थिइन।
ईलाका प्रहरी कार्यालय तुलसीपुरका प्रहरी प्रवक्ता प्रहरी निरिक्षक डम्मरबहादुर पालका अनुसार बिहीवार बेलुका सवा ८ बजेतिर घोराहीवाट तुलसीपुर तर्फ आउँदै गरेको रा ५ प ८४२ नम्बरको मोटरसाइकल तुलसीपुरको बेलझुन्डिमा दुर्घटना हुँदा डाँगी गम्भीर घाइते भएकी थिइन।
उनको उपचारको क्रममा राप्ती लाईभ केयर हस्पिटल तुलसीपुरमा मृत्यु भएको प्रहरी प्रबक्ता पालले जानकारी दिए।
स्रोतका अनुसार मृतक पवित्राका पति विदेशमा रहेको खुल्न आएको छ।
मोटरसाइकल चालक तुलसीपुर ९ बेलुवा निवासी ४८ बर्षीय कुलबहादुर डाँगी सामान्य घाइते भएका छन्। घाइते डाँगीलाई अनुसन्धानका लागि प्रहरीले नियन्त्रणमा लिएको छ।
मृतकको शव पोष्ट मार्टमको लागि राप्ती प्रादेशिक अस्पताल तुलसीपुरको शव गृहमा राखिएको छ।
