अभिनेत्री निशा अधिकारीले पहिलो सन्तानको रूपमा छोरालाई जन्म दिएकी छन्। बिहिबार निशाले अमेरिकाको एक अस्पतालमा छोरालाई जन्म दिएकी हुन्।
गत असारमा उनले क्रिकेटर शरद भेषावकरसँग विवाह बन्धन गरेकी थिइन्।
बिहिबार आमामा बनेकी निशाले आफ्नो फेसबुकमा शनिबार आफू आमा बनेको र भर्खरै आएको सानो मान्छेले खुशी र माया ल्याएको उल्लेख गर्दै छोराको फोटो पोस्ट गरेकी छन्।
उनले छोराको नाम 'युभान निशरद' राखेकी छन्।
सगरमाथाको सफलतापूर्वक आरोहण गरेकी निशा केही समय अघिदेखि गर्भवती अवस्थामा नै आफू निर्मित 'झ्यानाकुटी' फिल्मको अमेरिका प्रदर्शनका लागि अमेरिका गएकी थिइन्।
