युवती बलात्कार गरी फरार रहेका २ जना पक्राउ


युवतीमाथि जवरजस्ती करणी गरी फरार सर्लाही कबिलासी नगरपालिका ४ का २२ वर्षिय शिवनाथ भन्ने शिव नारायण कुमार यादवलाई प्रहरीले पक्राउ गरेको छ।

गएको चैत ४ गते स्थानीय १९ वर्षिया युवतीलाई जबरजस्ती करणी गरी फरार यादवलाई इलाका प्रहरी कार्यालय हरिपुरका प्रमुख प्रहरी निरीक्षक अनिल ठकुरीको टोलीले सर्लाहीकै कबिलासीबाट पक्राउ गरेको हो।

पक्राउ परेका यादवलाई जिल्ला अदालत सर्लाहीमा बुझाइएको प्रहरी निरिक्षक ठकुरीले बताए।

त्यसैगरी २०७४ कात्तिकमा सर्लाहीकै कबिलासीमा १३ वर्षिया किशोरीको बलात्कार गरी फरार सोही ठाँउका १८ वर्षिय राहुल रायलाई प्रहरीले पक्राउ गरेको छ।

इलाका प्रहरी कार्यालय हरिपुरका प्रहरी निरीक्षक ठकुरीकै नेतृत्वमा रहेको प्रहरी टोलीले रायलाई पक्राउ गरी जिल्ला अदालत सर्लाहीमा बुझाएको हो।

Share:

© 2017 Setopati Sanchar Pvt. Ltd.