बुटवल वडा नंं ८ सुख्खानगरमा रहेको भाटभटेनी सुपरमार्केटमा आगलागी भएको छ । विहान ४ बजेदेखि लागेको आगो अहिलेसम्म नियन्त्रणमा आउन सकेको छैन ।
सुपरमार्केटको सबैभन्दा माथिल्लो तल्लामा लागेको आगो नियन्त्रणमा गर्न पनि कठिनाई भएको छ ।
सबै विद्युतिय सामग्री रहेको पांचौ तल्लामा आगो लागेको र वरिपरी घरहरु समेत नभएका कारण नियन्त्रणको लागि समस्या भएको प्रहरीले जनाएको छ ।
बुटवल उपमहानगरपालिका र सिद्धार्थनगर नगरपालिकाको दुईवटा दमकल आएर आगो निभाउने प्रयास गरिएपनि नियन्त्रण गर्न नसकिएको प्रहरीले जनाएको छ ।
आगलागी कारण खुल्न नसकेपनि विद्युत सर्ट भएका कारण लागेको हुन सक्ने प्रहरीले अनुमान गरेको छ ।
सुपरमार्केट बुटवलमा गतवर्ष बैशाख १ गतेदेखि संचालनमा आएको थियो ।
https://www.youtube.com/watch?v=C3njq-DUb6s
