काठमाडौंको गोकर्णेश्वरबाट ११ जना जुवाडे पक्राउ


काठमाडौंको गोकर्णेश्वर नगरपालिकाबाट प्रहरीले ११ जना जुवाडेलाई पक्राउ गरेको छ।

महानगरीय प्रहरी परिसर काठमाडौंबाट खटिएको टोलीले गोकर्णेश्वर नगरपालिका वडा नम्बर ६ स्थित पूर्ण लामाको घरबाट उनीहरूलाई नियन्त्रणमा लिएको हो।

पक्राउ पर्नेहरूमा सिन्धुपाल्चोकका पूर्ण लामा,अर्जुन आचार्य,दावा शेर्पा, फुर्वा शेर्पा,चेना शेर्पा, वीर बहादुर तामाङ, कृष्णा तामाङ, दौलत सिंह लामा,विक्रम लामा र निशान लामा रहेका छन्।

उनीहरूको साथबाट प्रहरीले ६ लाख ४० हजार ३४० रूपैयाँ सहित छ बुक तास समेत बरामद गरेको छ।

Share:

© 2017 Setopati Sanchar Pvt. Ltd.