पथरीको थापा सुनचाँदी पसलमा चोरी, ६ लाख भन्दा बढी रकम चोरियो


मोरङको पथरीस्थित थापा सुनचाँदी पसलमा गएराति चोरी भएको छ।

बिहान करिब ४ बजेको समयमा उक्त मनि ट्रान्सफरमा चोरी भएको प्रहरीले जनाएको छ।

बिहानै पत्रिका बितरक हिमाल पराजुलीले पसलमा पत्रिका छिराउन खोज्दा सटर तोडिएको देखेपछि उनले प्रहरीलाई खबर गरेका थिए।

प्रहरी कार्यालयबाट करिब ५ सय मिटर दूरीमा रहेको व्यस्त बजारमा रहेको उक्त सुनचाँदी पसल तथा मनि ट्रान्फरबाट करिब ६ लाख रूपैयाँ चोरी भएको प्रहरीले जनाएको छ।

पसलमा अघिल्लो दिनको कारेबारबाट १९ लाख ९५ हजार खातामा जम्मा गरेको र बाँकी रहेको अनुमानित ६ लाख १३ हजार रूपैयाँ चोरी भएको हो।

सुनचाँदी पसलसँगै रहेको मनि ट्रान्सफरबाट एक अपरिचित ब्यक्तिले सटर र गल्ला फोरेर रकम चोरि गरेको सिसि क्यामरामा देखिएको छ।

यसैबीच प्रहरीले चोरि गर्ने गिरोहलाई सिसि क्यमेराबाट पहिचान गरिएको भन्दै खोजी तिब्र पारिएको जनाएको छ।

‘हामीले चोरको पहिचान गरिसकेका छौ, कुनै पनि हालतमा उम्कन पाउँदैन,’ ईलाका प्रहरी कार्यलय पथरीका प्रहरी निरीक्षक  विजय श्रेष्ठले दाबी गरे।

Share:

© 2017 Setopati Sanchar Pvt. Ltd.