प्रहरीले विनाशकारी भूकम्पको समयमा सिन्धुपाल्चोक कारागारबाट भागेका एक कैदीलाई पक्राउ गरेको छ।
केन्द्रीय अनुसन्धान ब्यूरोको टोलीले सिन्धुपाल्चोक भोताङ्ग गाविस वडा नम्बर २ घर भई काठमाडौंको मुलपानी बस्ने ६१ वर्षीय मान लामालाई आइतबार पक्राउ गरेको हो।
लामा कर्तव्य ज्यान मुद्दामा कैद सजाय भुक्तान गरिरहेका थिए।
भूकम्पको बेला कारागारबाट २१२ जना फरार थिए। पक्राउ गरिएको लामालाई कैद भुक्तानको लागि सिन्धुपाल्चोक कारागार पठाइएको छ।
