काठमाडौंको मिनभवनमा मोटरसाइकलको ठक्करबाट एक पैदलयात्रीको मृत्यु भएको छ।
आइतबार साँझ बा ९० प ६४६ नम्बरको मोटरसाइकलको ठक्करबाट दोलखाका ५० बर्षीय धुव्र कार्कीको मृत्यु भएको प्रहरीले जानकारी दिएको छ।
बेलुकी पौने ८ बजे मोटरसाइकलको ठक्करबाट गम्भीर घाइते भएका कार्कीको उपचारको क्रममा न्यूरो अस्पताल बासबारीमा गएराती सवा ९ बजे मृत्यु भएको प्रहरीले जनाएको छ।
ठक्कर दिने मोटरसाइकलसहित चालकलाई महानगरीय प्रहरी वृत्त बानेश्वरमा राखिएको प्रहरीले जनाएको छ ।
