बाबुरामको नयाँशक्ति पनि एमाले-माओवादी गठवन्धनमा मिसिने


नेकपा एमाले र माओवादी केन्द्रको एकीकरण तथा चुनावी गठवन्धनमा बाबुराम भट्टराईको नयाँशक्ति पार्टी पनि मिसिने भएको छ।

केपी ओली र भट्टराईबीच मंगलबार बालकोटमा भएको भेटघाटपछि नयाँशक्ति पनि मिसिने टुंगो लागेको भट्टराईका स्वकीय सचिव विश्वदीप पाण्डेले जानकारी दिए। यसबारे एक सातादेखि छलफल भइरहेको उनले बताए।

आज साँझ ५ बजे राष्ट्रिय सभागृहमा डाकिएको पत्रकार सम्मेलनमा एमाले, माओवादी र नयाँशक्ति तीनैवटा दलले संयुक्त रूपमा एकीकरण तथा चुनावी गठवन्धनको घोषणा गर्नेछन्।

सिंहदरबारस्थित एमाले संसदीय दलको कार्यालयमा त्रिपक्षीय सहमतिपत्रको मस्यौदा भइरहेको छ।

 

Share:

प्रतिकृया दिनुहोस

© 2017 Setopati Sanchar Pvt. Ltd.