बुढीगण्डकी जलविद्युत ठेक्का दिँदा अर्बौं चलखेल – कमल थापा


राष्ट्रिय प्रजातन्त्र पार्टीका केन्द्रीय अध्यक्ष एवं पूर्व उपप्रधानमन्त्री कमल थापाले बुढीगण्डकी जलविद्युत आयोजनाको ठेक्का दिँदा अर्बौंको चलखेल भएको बताएका छन् । पोखरा आयोजित पत्रकार सम्मेलनमा थापाले बुढीगण्डकी जलविद्युत आयोजनाको ठेक्का दिँदा अर्बौंको चलखेल भएको हुन सक्ने बताए । उनले ठेक्कालाई पुनरावलोकन गर्न माग समेत गरे ।

‘सरकार परिर्वतन हुने अन्तिम समयका किन ठेक्का दियो ?’ थापाले भने, ‘ठूलो रकमको चलखेल भएको छ, ठेक्काको पुनरावलोकन हुनुपर्दछ ।’ उनले नेपाल आयल निगम जग्गा खरीदमा निगमका महाप्रबन्ध मात्रै नभएर मन्त्रीदेखि ठूला दलका नेतासम्म संलग्न रहेको आरोप दोहोर्‍याए । थापाले आयल निगमको भ्रष्टाचार दिनहुँ संचार माध्यममा आउदाँ पनि सरकार कार्वाही नगरी बसेको बताए ।

अध्यक्ष थापाले दशैं र तिहार बीचको समयमा पार्टीले मेची महाकाली राष्ट्रिय स्वाभीमान यात्रा गर्ने र यो यात्राको क्रममा मुलुकले भोग्नु परेका समस्याको बारेमा जनतालाई सचेत बनाई हिन्दूत्वको भावना जागृत गने बताए ।

मुलुकमा निर्वाचनको मिति घोषणा भइसकेको र निर्वाचन आयोगले आचारसंहित लागू गरिसकेपछि पनि सरकार र सत्तारुढ दलहरूबाट बारम्बार आचारसंहिता उल्लघंन गरिएको बताए ।

उनले आयोगले यसप्रति सबैमा ध्यानाकर्षण गराएता पनि कार्यान्वयन पक्ष कमजोर देखिएको बताए ।

 

Share:

प्रतिकृया दिनुहोस

© 2017 Setopati Sanchar Pvt. Ltd.