उर्जामन्त्री शाही भन्छन्– ढुक्क हुनुस्, यो हिउँदमा लोडसेडिङ हुन दिन्नौं

उर्जामन्त्री शाही भन्छन्– ढुक्क हुनुस्, यो हिउँदमा लोडसेडिङ हुन दिन्नौं




उर्जामन्त्री महेन्द्र बहादुर शाहीले यसपटक हिउँदमा कुनै पनि हालतमा लोडसेडिङ हुन नदिने बताएका छन्।

मंगलबार ललितपुरमा आयोजित एक कार्यक्रममा बोल्दै मन्त्री शाहीले यो हिउँदमा घरयासी प्रयोजनका लागि मात्रै नभई औद्यागिक क्षेत्रमा पनि लोडसेडिङ हुन नदिने बताए।

‘ढुक्क हुनुस्, यो हिउँदमा हामी उद्योगहरुमा समेत लोडसेडिङ हुन दिने छैनौं’, मन्त्री शाहीले भने, ‘त्यसका लागि हामी योजनाहरु बनाउँदै छौं, तर ती योजनामा कुनै पक्षबाट पनि अवरोध भने हुनुहुँदैन।’

योजनाहरुमा अवरोध भए त्यसलाई चिरेर भए पनि लोडसेडिङ हटाउने मन्त्री शाहीले प्रतिबद्धता जनाए।

उनले वितरण प्रणालीमा सुधार र विद्युत चुहावट नियन्त्रण अाफूहरूले जोड दिने बताए।

लोडसेडिङ हुन नदिने र नेपालको उर्जा क्षेत्रको विकासको लागि मन्त्रालयले केही दिनभित्रै कार्ययोजना सार्वजनिक गर्ने पनि उनले बताए।

प्रतिकृया दिनुहोस

© 2017 Setopati Sanchar Pvt. Ltd.